Bezos dünyanın ən varlı adamları siyahısına liderlik edir
Poliqon xəbər verir ki, “Amazon”un qurucusu Ceff Bezos Bloomberg Milyarderlər İndeksində (BBI) İlon Maskı qabaqlayaraq birinci yeri tutub. Reytinqə görə, Bezosun sərvəti 500 milyon dollar azalaraq 200 milyard dollara düşsə də, cari il ərzində o, kapitalını 23,4 milyard dollar artırıb.
“Amazon”un qurucusu Bezos 2021-ci ildən bəri ilk dəfədir ki, Bloomberg-in ən varlı insanların reytinqinə başçılıq edir”, deyə Agentlik yazır.
Elektrikli avtomobil sənayesinin vizyoneri və maqnatı İlon Mask, “Tesla” səhmlərinin 7% azalması səbəbindən sərvəti bir gündə 17,6 milyard dollar azaldıqdan sonra ikinci sıraya enib. Bu azalma Çinə avtomobil tədarükünün azalması xəbərləri fonunda baş verib. İlin əvvəlindən Mask 31,3 milyard dollar itirib.
Bezos və Mask arasında sərvət fərqi onların şirkətlərinin səhm qiymətlərindəki fərqli hərəkətləri nəzərə alaraq daralıb. “Tesla” səhmləri 2021-ci ildən bəri 50% azalıb, “Amazon” səhmləri isə bütün zamanların ən yüksək həddə yaxınlaşır.
LVMH-nin sahibi Bernard Arnault 197 milyard dollar sərvəti ilə üçüncü yerdədir ki, o da bir gündə 1,84 milyard dollar itirib, lakin ümumilikdə ötən il 18,3 milyard dollar qazanıb.
Poliqon.info