Ağ Ev: Qəzzada girov razılaşması üçün müvəqqəti atəşkəs lazımdır...
Poliqon “Amerikanın Səsi” radiostansiyasına istinadən xəbər verir ki, bu barədə Ağ Evin milli təhlükəsizlik üzrə kommunikasiyalar üzrə müşaviri Con Kirbi jurnalistlərə bildirib. Kirbi bildirib ki, Birləşmiş Ştatlar Ramazan ayı başlamazdan əvvəl (10 mart) girovlar müqabilində hələ də atəşkəs əldə etməyə ümid edir və və HƏMAS-ı hazırda Qahirədə müzakirə olunan şərtləri qəbul etməyə çağırıb..
Ağ Ev rəsmisinin sözlərinə görə, HƏMAS oktyabrın 7-də İsrailin cənubuna hücum zamanı yaraqlılar tərəfindən əsir götürülən bəzi xəstə, qoca və yaralı girovların azad edilməsi müqabilində altı həftəlik atəşkəs tələb edən təkliflə indiyədək razılaşmayıb.
Kirbi ABŞ-ın Qəzzaya hava yolu ilə daha çox humanitar yardım göndərəcəyini və daha çox yardım çatdırmaq üçün dəniz nəqliyyatından istifadə imkanlarını araşdırdığını bildirib. O, yük maşınları ilə humanitar yardımın çatdırılmasının İsrail kabinetinin bəzi üzvlərinin müqaviməti ilə yavaşladığını deyib.
“Humanitar yardımla bağlı İsrailin daha çox iş görmək məsuliyyəti var”, deyə Kirbi vurğulayıb.
Poliqon.info