Erməni deputat: Rusiya anlamaq istəyir ki, bu şantajdır, yoxsa kursun dəyişməsi...
Poliqon xəbər verir ki, bunu Ermənistan parlamentinin "Mənim şərəfim var" fraksiyasından olan deputat Tiqran Abramyan sosial şəbəkələrdə Rusiyanın xarici işlər naziri Sergey Lavrovun son açıqlamalarını şərh edərkən yazır.
Rusiyalı nazir Antalyada keçirdiyi mətbuat konfransında bildirib ki, Rusiya İrəvanın KTMT-də iştirakı ilə bağlı yekun qərarını açıqlamasını gözləyir və Ermənistan hakimiyyəti qərar verməlidir. Abrahamyanın sözlərinə görə, Lavrov açıq şəkildə bildirib ki, strukturdan çıxmaq və Rusiya Federasiyası ilə münasibətlərdə dərəcəni aşağı salmağın fəsadları olacaq. Bu, Rusiyanın Ermənistanla bağlı siyasətinə, o cümlədən siyasi, hərbi və iqtisadi sahələrə yenidən baxılması deməkdir.
"Rusiya Federasiyası nəhayət bunun adi şantaj, yoxsa Ermənistanın Avropa İttifaqına doğru yeni kursu olduğunu öyrənməyə çalışır. Rusiya bunu gələcəkdə öz sərt müxalifliyinə haqq qazandırmaq üçün edir və bunun nəticələrinin necə olacağı hadisələrin bundan sonrakı gedişatından asılıdır", deyə erməni deputat bildirib.
Qeyd edək ki. Ermənistan rəsmiləri Rusiya əleyhinə bəyanatlar verir, Moskvanı müttəfiqlik öhdəliklərini yerinə yetirməməkdə ittiham edirlər. "Rusiyanın Ermənistanda hərbi mövcudluğu nəinki sonuncunun təhlükəsizliyinə təminat vermir, əksinə, respublika üçün təhdidlər yaradır", deyə Ermənistanın baş naziri Nikol Paşinyan KTMT-də iştirakın dondurulması ilə bağlı bəyanatında bildirib.
Poliqon.info