Ursula fon der Leyen: Avropa Rusiyanın qalib gəlməsinə imkan verməyəcək...
Poliqon xəbər verir ki, bunu bu gün Strasburqda Avropa Parlamentində dinləmələr zamanı Avropa Komissiyasının sədri Ursula fon der Leyen deyib.
"Söhbət öz təhlükəsizliyi üçün məsuliyyət daşıyan Avropadan gedir. Sadə həqiqət budur ki, bizim rahatlıq lüksümüz yoxdur, dünyanın digər yerlərində seççilər və ya qərarlar üzərində nəzarətimiz yoxdur. Sadəcə olaraq bizim bu məsələyə baxmağa vaxtımız qalmayıb. Tərəfdaşlarımızın dəstəyi olsa da, olmasa da, Rusiyanın qalib gəlməsinə imkan verə bilmərik. Çünki təhlükəsizliyin olmamasının qiyməti, Rusiyanın bu qələbəsinin qiyməti indi edə biləcəyimiz hər hansı qənaətdən qat-qat yüksək ola bilər", deyə Avropa Komissiyasının sədri vurğulayıb.
Ursula fon der Leyen bildirib ki, Avropa İttifaqı Rusiyanın Avropa bank institutlarında yerləşən maliyyə aktivlərindən əldə edilən gəlirləri Ukrayna üçün kollektiv silah alınmasına yönəldəcək:
"Ukrayna üçün hərbi texnikanın birgə alınması üçün Rusiyanın dondurulmuş aktivlərinin gəlirlərinin istifadəsini müzakirə etməyin vaxtı çatıb. Bundan daha güclü simvol ola bilməz və ya Ukraynanı və bütün Avropanı yaşamaq üçün daha təhlükəsiz yerə çevirmək üçün bu puldan daha məqsədəuyğun istifadə ola bilməz".
Poliqon.info