ABŞ və Cənubi Koreya Şimali Koreyanın Rusiyaya silah ötürməsinə cavab verəcək
Poliqon Yonhap Agentliyinə istinadən xəbər verir ki, bu barədə Cənubi Koreya Müdafiə Nazirliyinin iki nazir arasında telefon danışığı barədə məlumatında deyilir.
Qeyd edilir ki, Ostin və Şin arasında danışıqların əsas məsələlərindən biri Şimali Koreyanın Ukraynada istifadə üçün Rusiyaya sursat və raketlər verməsi olub.
"Nazirlər Rusiya və Şimali Koreya arasında təkcə Koreya yarımadası üçün deyil, həm də qlobal sülh və sabitlik üçün ciddi təhlükə yaradan qanunsuz silah tədarükü ilə bağlı dərin narahatlığını bildiriblər", deyə nazirlik bildirib.
Qeyd olunub ki, Birləşmiş Ştatlar və tərəfdaşları Pxenyan və Moskva arasında iddia edilən silah müqaviləsini BMT Təhlükəsizlik Şurasının hər hansı bir ölkəyə Şimali Koreya ilə silah və ya digər hərbi texnika alverini qadağan edən qətnamələrinin pozulması kimi pisləyib.
"Müdafiə nazirləri beynəlxalq ictimaiyyətlə razılaşdırılaraq Şimali Koreya və Rusiyanın bu cür hərəkətlərinə qətiyyətlə cavab verəcəklərini vəd ediblər", deyə Cənubi Koreya Müdafiə Nazirliyi bildirib.
Qeyd edək ki, yayılan məlumatlara görə, Şimali Koreyanın sursat fabrikləri ərzaq və digər zəruri mallar müqabilində Rusiyaya silah tədarük etmək üçün tam gücü ilə işləyir.
Poliqon.info