ICAN: Ukraynadakı münaqişə nüvə qarşıdurmasına keçə bilər...
Poliqon xəbər verir ki, bunu "RİA Novosti" Agentliyinə müsahibəsində Nüvə Silahlarının Ləğv edilməsi üzrə Beynəlxalq Kampaniyanın (ICAN) siyasət və tədqiqat koordinatoru Alisiya Sanders-Zakre bildirib.
Ekspertin fikrincə, 2022-ci ildən başlayaraq bir çox ölkələr tərəfindən qınanılan nüvə eskalasiyası ilə bağlı ritorika və təhlükəli davranışlar artıb. Sanders-Zakre nüvə silahı olan dövlətləri və onların müttəfiqlərini bəyanatlarında və hərəkətlərində ehtiyatlı olmağa və nüvə arsenallarını məhv etməyə çağırıb.
"Nüvə eskalasiyasını daimi olaraq dayandırmağın və nüvə müharibəsinin qarşısını almağın yeganə zəmanətli yolu nüvə silahlarını ləğv etməkdir", deyə ICAN nümayəndəsi vurğulayıb.
Mütəxəssis həmçinin Nüvə Silahlarının Qadağan edilməsi Müqaviləsinin (TPNW) nüvə silahının ləğvinin izlənilə bilən yeganə çoxtərəfli sənəd olması fikrini də ifadə edib. BMT üzvlərinin demək olar ki, yarısı bu müqaviləyə qoşulub.
Sanders-Zakre bütün ölkələri nüvə silahlarının ləğvinə nail olmaq üçün TPNW-ə qoşulmağa çağırıb.
Qedy edək ki, ötən həftə Rusiya Təhlükəsizlik Şurasının sədr müavini Dmitri Medvedev müasir dünyada nüvə münaqişəsinin təsadüfi baş verməsinin istisna oluna bilməyəcəyini deyib və Ukraynada nüvə silahından istifadə ilə bağlı hədələr səsləndirib.
Poliqon.info