Çex fermerlər Avropadakı etiraz aksiyalarına qoşulacaqlar
Poliqon xəbər verir ki, bu barədə Çexiyanın “Novinky” nəşri məlumat yayıb. Nəşrin məlumatına görə, Praqada aksiya fevralın 19-na planlaşdırılıb.
Öz növbəsində Çexiyanın Aqrar Palatası xəbərdarlıq edib ki, fevralın 22-dən bütün ölkə ərazisində kütləvi etiraz aksiyaları gözlənilir.
Çexiya Aqrar Palatasının prezidenti Yan Dolezal, bildirib ki, Avropa Komissiyası problemlərin real həlli planını tez bir zamanda təqdim etməsə, sərhəd keçid məntəqələrində etirazlar davam edəcək.
Qeyd edək ki, yanvar ayından başlayaraq, Fransa, Almaniya, İtaliya, İspaniya, Portuqaliya, Polşa və digər ölkələrdə Aİ-nin kənd təsərrüfatı siyasətindən narazı olan fermerlərin etirazları keçirilir. Fermerlər artan dizel qiymətlərinə, AB-nin yeni yaşıl qaydalarına və bazarlarını sulandıran idxala qarşıdırlar.
Belə ki, Polşada fermerlər Polşa-Ukrayna sərhədində yolları və beynəlxalq keçid məntəqələrinə girişləri bağlayıblar. Etirazçıların əsas tələbi Ukraynadan ucuz kənd təsərrüfatı məhsullarının idxalını dayandırmaqdır. Fevralın 11-də polyaklar sözdən hərəkətə keçərək, Ukrayna yük maşınlarına hücuma edərək taxılı yola töküblər.
Poliqon.info