Zalujnı və Zelenskinin son söhbətinin təfərrüatları...
Poliqon xəbər verir ki, bubarədə The Washington Post qəzeti yüksək rütbəli Ukrayna rəsmilərinə istinadən məlumat yayıb.
Qəzetin yazdığına görə, Zelenskinin Zalujnıya gözlənilən istefası barədə məlumat verdiyi görüşdə Ukrayna Silahlı Qüvvələrinin rəhbəri varisinə miras qoyacağı problemlər haqqında bəzi problemləri açıqlayıb.
Zalujnı deyib ki, yeni Baş Komandan hələ də böyük və daha yaxşı silahlanmış Rusiya qüvvələri ilə qarşılaşacaq. Ukrayna hələ də çağırışçıların səfərbərlikdən yayınması ilə qarşılaşacaq, həmçinin silahlara, döyüş sursatlarına, nəqliyyat vasitələrinə və digər avadanlıqlara ehtiyac duyacaq.
WP-nin məlumatına görə, Zalujnı yanvarın 29-da Zelenskinin ofisində görüşə çağırılıb və ona işdən çıxarılacağı barədə məlumat verilib. Zelenski Zalujniyə başqa vəzifə təklif etsə də, o, bundan imtina edib.
The Washington Post qeyd edib ki, Zelenski Ukrayna ictimaiyyətinin getdikcə əsəbiləşdiyi və beynəlxalq tərəfdaşlardan gələn yardımın yavaşladığı üçün özünü yeniləməyi və hərbi komandanlığı silkələməyi düşünür.
“Bununla belə, onun strategiyası Moskvaya qeyri-sabitlikdən istifadə etməyə imkan verən əks nəticə verə bilər”, deyə qəzet vurğulayır.
Nəşrin yazdığına görə, belə bir təhlükə Zalujnının Ukraynada populyarlığını aşağı sala bilər.
Poliqon.info