Rusiyada kanalizasiya-nasos stansiyası partlayıb, ölən və yaralananlar var
Rusiyanın Orenburq vilayətinin Novotroitsk şəhərində kanalizasiya-nasos stansiyasında partlayış baş verib...
APA-nın Rusiya bürosu xəbər verir ki, regionun səlahiyyətliləri və fövqəladə hallar xidməti hadisə nəticəsində ölənlərin olduğunu bildirib.
Ümumilikdə 10 nəfər stansiya binasının dağıntıları altında qalıb. Fövqəladə Hallar Nazirliyi 3 nəfərin həkimlərə çatdırıldığını, 1 nəfərin isə həyat əlaməti olmadan dağıntılar altından çıxarıldığını açıqlayıb.
İlkin məlumatlara görə, binanın zirzəmisində metan balonunun partlaması baş verib. Partlayışdan sonra yanğın olmayıb. Regionda fövqəladə vəziyyət rejimi tətbiq edilib.
Poliqon.info