Bill Qeyts: Süni intellekt proqramçıların məhsuldarlığını 50% artıra bilər
Poliqon xəbər verir ki, bu fikri Davosda (İsveçrə) keçirilən Dünya İqtisadi Forumunda çıxış edən xeyriyyəçi və Microsoft şirkətinin yaradıcısı Bill Qeyts deyib.
BNN nəşrinin məlumatına görə, generativ süni intellektin yaranması bəzi sahələrdə mütəxəssislərin məhsuldarlığının əhəmiyyətli dərəcədə artmasına səbəb olub. Məsələn, proqramçılar effektivliyin 50%-ə qədər artdığını qeyd edirlər, çünki AI bəzi rutin kodlaşdırma tapşırıqlarını mükəmməl şəkildə yerinə yetirir və vaxta qənaət edir.
Qeyts həmçinin süni intellektlə qarşılıqlı əlaqəyə potensial etibara toxunub və iş proseslərində bu texnologiyanın istifadəsi ilə bağlı məsələləri diqqətlə nəzərdən keçirməyə çağırıb.
Milyarder onu da qeyd edib ki, süni intellekt hüquqi inteqrasiya baxımından uzun yol keçəcək. Onun sözlərinə görə, süni intellekt kontekstində normativ bazanın hazırlanması sosial şəbəkələrdəkindən heç də asan olmayacaq.
Poliqon.info