DYMX-nin rəis müavini: Partlayış olan sexin 2750 kvadratmetr sahəsi dağıntıya məruz qalıb
Binəqədi rayonu, Abay Kunanbayev küçəsində yerləşən mebel sexində baş verən yanğın söndürülüb...
Poliqon xəbər verir ki, bunu Fövqəladə Hallar Nazirliyinin Dövlət Yanğından Mühafizə Xidmətinin rəis müavini, polkovnik Rza Xudiyev deyib.
O bildirib ki, saat 11:54 radələrində yanğınla bağlı FHN-ə məlumat daxil olub. Ərazi üzrə 3 yanğın bölməsi hadisə yerinə çatıb: "Bakı qarnizonu 2 saylı çağırışla əraziyə cəlb edilib. Sahəsi 13 min kvadratmetr olan istehsal sexinin 2750 kvadratmetrlik sahəsi dağıntılara məruz qalıb və ərazidə yanğın baş verib. Axtarışlar zamanı 3 nəfərin cəsədi dağıntılar arasında tapılıb, 3 nəfər xilas edilib. Hadisə yerində istintaq qrupu tədqiqat işləri aparır".
Poliqon.info