eBay tarakan göndərdiyi bloggerlərə 3 milyon dollar ödəyəcək
Poliqon BBC-yə istinadən xəbər verir ki, Massaçusets Baş Prokurorluğu eBay-ın təhlükəsizlik üzrə keçmiş direktoru Cim Bauqun şirkət rəhbərliyinin razı qalmadığı xəbər bülleteni "EcommerceBytes"i yayımladıqları səbəbiylə İna və David Şteyneri adlı blogger cütlüyü hədəfə alındığını bildirib.
Məhkəmə sənədlərində eBay rəhbərlərinin bülletendə şirkəti tənqid edən cütlüyə canlı hörümçəklər və tarakanlar göndərdiyi göstərilir.
Sənədlərdə Bauq və 6 nəfərin Ştayner cütlüyünü qorxutmaq üçün kampaniya apardığı və cütlüyün "emosional, psixoloji və fiziki" qorxuya məruz qaldığı ifadə edilib.
Massaçusets Baş Prokurorunun səlahiyyətlərini icra edən Coş Levi elektron poçt vasitəsilə AP-yə bildirib ki, eBay tamamilə çirkin, cinayətkar davranışla məşğul olub.
E-ticarət saytı eBay məhkəmənin cütlüyə qarşı təqib ittihamlarına görə 3 milyon dollar cərimə ödəmək qərarını qəbul edib.
Cütlüyün avtomobilinə GPS izləmə cihazı yerləşdirmək kimi başqa hərəkətlər də edən Bauq və digər rəsmilər hadisə baş verdikdən qısa müddət sonra eBay tərəfindən işdən çıxarılıb.
Hadisədə əli olan Filip Kuk 2021-ci ildə 18 ay, Bauq isə növbəti il təxminən 5 ilə yaxın həbs cəzasına məhkum edilib.
Poliqon.info