2023-cü ildə yüksək liqa oyunlarında çıxış etmiş ən yaşlı futbolçular bəlli olub
Beynəlxalq Futbol Tarixi və Statistikaları Federasiyası (IFFHS) 2023-cü ildə yüksək liqa qarşılaşmalarında iştirak etmiş ən yaşlı oyunçuların adlarını açıqlayıb...
"Report" IFFHS-nin rəsmi saytına istinadən xəbər verir ki, birinci pillədə Farer adalarının "Ki Klaksvik" komandasının qapıçısı Geza Turi qərarlaşıb.
Qolkiper mayın 14-də "HB Torshavn" komandası ilə görüşdə (1:0) meydana çıxıb. Həmin vaxt macarıstanlı oyunçu 49 yaş 64 günündə olub.
İkinci sırada Bolqarıstanın "Slaviya" (Sofiya) klubunun "çərçivə qoruyucusu" Georgi Petkov (47 yaş, 222 gün) yer alıb. O, oktyabrın 22-də "Hebar"a uduzduqları (0:1) qarşılaşmada iştirak edib.
İlk "3-lüy"ü Honkonqun "Resources Kapital" kollektivindən Ho Kvok Çuen (46 yaş, 76 gün) qapayır. Qolkiper "HK U23" ilə matçda meydanda olub.
Poliqon.info