Ukrayna siyasətçiləri ölkənin ərazi bütövlüyünün qorunacağına şübhə edir
Poliqon xəbər verir ki, bu barədə Amerikanın "Foreign Policy" nəşri yazıb.
Jurnalistlər qeyd edirlər ki, Rusiya Silahlı Qüvvələrinin hərbi obyektlərə endirdiyi zərbələrdən sonra Ukrayna rəsmiləri bu ərazini nə qədər saxlaya biləcəklərini özlərindən soruşurlar. Məqalədə deyilir ki, Rusiya qoşunlarının Ukraynanın şərqindəki manevrləri və Qərbin köməyinin olmaması yeni torpaqların təslim edilməsinə səbəb ola bilər.
Ukraynanın xalq deputatı Aleksandra Ustinova FP ilə söhbətində vurğulayıb ki, hadisələrin belə nəticəsini qəbul etmək çox çətindir, çünki ölkə hər kilometrə minlərlə hərbçi itirir, Rusiya ordusu isə yeni ərazilərə nəzarət edir.
Dekabrın 29-na keçən gecə və dekabrın 30-u səhər saatlarında Ukrayna kütləvi hücuma məruz qalıb. Partlayışlar Kiyev, Xarkov, Odessa, Dnepr, Lvov, Zaporojye və digər şəhərlərdə baş verib.
Ukrayna Silahlı Qüvvələrinin baş komandanı Valeri Zalujnı ölkəyə 122 raket və 36 pilotsuz təyyarə ilə hücum edildiyini bildirib. Ukrayna Silahlı Qüvvələrinin Hərbi Hava Qüvvələrinin nümayəndəsi Yuri İqnat bildirib ki, monitorda heç vaxt eyni vaxtda bu qədər çox hədəf göstərilməyib.
Rusiya Müdafiə Nazirliyi zərbənin hədəflərinin hərbi sənaye kompleksi obyektləri, hərbi aerodromlar, arsenallar və hərbi məntəqələr olduğunu və onların hamısının vurulduğunu vurğulayıb.
Poliqon.info