ABŞ Səudiyyəyə hücum silahlarının tədarükünə qoyulan qadağanı götürmək istəyir
Poliqon xəbər verir ki, bu barədə "The New York Times" Ağ Evdəki rəsmilərə istinadən yazıb.
Materialda bildirilir ki, bu qərara səbəb Ər-Riyadla Yəmənin "Ənsar Allah" üsyançı hərəkatının üzvləri arasında aparılan danışıqlar olub. Eyni zamanda, jurnalistlərin fikrincə, krallıq ABŞ istehsalı olan silahların ən böyük alıcılarından biridir.
Nəşrin müəllifləri qeyd edir ki, Səudiyyə Ərəbistanı hökuməti indi ölkənin cənub sərhədini gücləndirmək isrtəyir. Söhbət Yəmənə bitişik ərazilərdən gedir.
Üstəlik, Ər-Riyad nümayəndələri şəxsi söhbətlərində Yaxın Şərq münaqişəsinin mümkün eskalasiyasına hazırlaşmağın zəruriliyindən danışırlar. Bu fonda Amerika hakimiyyəti krallığa hərbi texnikanın ixracına qoyulan məhdudiyyətləri yumşaltmağı planlaşdırır.
Bununla belə, nəşrin məlumatına görə, məhdudiyyətlərin yumşaldılması müddəti hələ müəyyən edilməyib. Eyni zamanda ABŞ Konqresinin bəzi üzvləri bu təşəbbüsə qarşı çıxıblar və dövlət başçısını qərarını dəyişməyə məcbur edə bilərlər.
Mənbələrə görə, prezident administrasiyasının bir sıra məmurları 2023-cü ilin sonuna qədər məhdudiyyətlərin yumşaldılmasına nail olmaq istəyiblər. Rəsmilər bu qərarı İsrail və Səudiyyə Ərəbistanı arasında diplomatik münasibətlərin bərpası ilə əlaqələndirməyə çalışsalar da, müvafiq danışıqlar dondurulub.
Poliqon.info