NYT: FTX-nın Yekaterinburq ofisində ABŞ-dan sanksiyalaşdırılmış avadanlıq quraşdırılıb
Poliqon xəbər verir ki, bu barədə The New York Times qəzeti Rusiya şirkətindən sızan məlumatlara və Rusiyadan gələn elektron məktublara istinadən məlumat yayıb.
NYT iddia edir ki, “Convex” avadanlığı Rusiyanın elektronika təchizatçısı “Nag” şirkətinin saytından alıb, o da öz növbəsində Çin bazarından “Cisco” avadanlıqları alıb. Qəzetə görə, alınmış avadanlıq “məlumatların təsnifləşdirilməsinə və səlahiyyətlilərə göndərilməsinə” kömək edir. Məqalədə o da bildirilir ki, “Convex” mühəndisləri Federal Təhlükəsizlik Xidmətinin Yekaterinburq ofislərində “Cisco” avadanlığı quraşdırıblar.
Nəşr sızdırılan məlumatlara istinadən iddia edir ki, Rusiya rəhbərliyi sanksiyalara məruz qalmış Qərb elektronikasını almaq üçün Çin, Mərakeş və Türkiyədəki vasitəçilərdən istifadə edir. NYT-nin məlumatına görə, ixracı qadağan edilən mallar Mərakeş və Türkiyədən alınıb, sonra yenidən Rusiyaya gedən gəmilərə yüklənib. Qəzet “Nag”ın korporativ məlumatlarına istinadən yazır ki, şirkət Rusiyaya təxminən 10 milyon dollar dəyərində “Cisco” avadanlıqları və təxminən 1 milyon dollar dəyərində “Nokia” və “Intel” məhsulları idxal edib.
Qəzet, xüsusən, Mərakeşdən olan vasitəçilərin xidmətlərindən elektronika təchizatçısı “Prosoft” tərəfindən istifadə edildiyini qeyd edib. NYT bildirir ki, şirkət ağır sənaye və kritik infrastruktur üçün biometrik nəzarət avadanlığı və texnologiyası təqdim edir.
Poliqon.info