İsrail müharibə başlayandan bəri ilk dəfə Qəzzaya yardım üçün keçid açıb
Kərəm Şalom keçidi BMT-nin Fələstin Qaçqınlar Agentliyi və İsraillə koordinasiya əsasında yenidən açılıb. Yardımın bir hissəsi Qəzzaya bazar günü axşam, qalan hissəsi isə bazar ertəsi çatacaq.
Poliqon Reuters Agentliyinə istinadən xəbər verir ki, keçid HƏMAS-la müharibə başlayandan bəri bağlanıb. Agentlik qeyd edir ki, müharibə bayan andan etibarən bütün yardımlar Qəzza anklavına yalnız Rəfah keçid məntəqəsi vasitəsilə çatdırılıb. Bu keçid məntəqəsi Misirlə sərhəddə yerləşir və Rafahdan gündə 100 yük maşını keçir.
Qeyd edilir ki, Kerem Şalom Qəzza zolağına daxil olan malların əsas tranzit məntəqələrindən biridir. Keçid məntəqəsi humanitar yardımın daha sürətli çatdırılmasını təmin edə bilər.
Qeyd edək ki, Qəzzaya nəzarət-buraxılış məntəqəsinin açılması ilə bağlı məlumatlar İsrail və HƏMAS arasında yeni atəşkəsin müzakirəsi ilə bağlı məlumatlar fonunda ortaya çıxıb. Bildirilib ki, hər iki tərəf müvəqqəti atəşkəs rejimini müzakirə etməyə prinsipial olaraq hazırdır.
Poliqon.info