Moskvada təxminən son 60 ilin rekordu qırılacaq
Poliqon xəbər verir ki, bu barədə "Roşidromet"in vəziyyət mərkəzinin rəhbəri Yuri Varakin bildirib.
"Artıq düşmüş yağıntının miqdarı ilə bundan sonra yağacaq qar 1966-cı ilin rekordunu qıracaq", deyə o, RT ilə söhbətində bildirib.
Varakinin sözlərinə görə, dekabrın 15-nə keçən gecə cənub Balkan siklonu Moskvaya və regiona yaxınlaşacaq. Qarın hündürlüyünə gəlincə, bundan əvvəlki mütləq rekord 1966-cı ildə qeydə alınıb. Həmin ilin dekabrın 15-də Rusiya paytaxtına 17,3 sm yağıntı düşüb.
"İndi 10-dan 14 sm-ə qədər, bəlkə də Moskva bölgəsində daha çox qar düşəcək. Bundan sonra istənilən miqdarda əlavə qarın hündürlüyünə görə rekordumuz olacaq", deyə Varakin bildirib.
Sinoptik bildirib ki, dekabrın 17-dən Moskva Atlantik siklonunun gəlişi fonunda istiləşəcək, qar əriyəcək və hündürlüyü azalacaq.
Qeyd edək ki, sinoptiklərin proqnozlarına görə, Moskvada həftənin ikinci yarısında havalar isinməyə başlayacaq, amma uzunmüddətli qar yağacaq.
Poliqon.info