BMT keçmiş nümayəndəsindən 63 milyon dollar tələb edir
Poliqon xəbər verir ki, bu barədə TheNew York Times qəzeti məhkəmə sənədlərinə istinadən yazır.
Nəşrin əldə etdiyi məlumata görə, əvvəllər BMT-nin Layihə Xidmətləri Bürosunun (UNOPS) rəhbərinin müavini olmuş Ukrayna vətəndaşı Vanşelboymun sərəncamında dünya təşkilatının digər agentliklərindən tikinti işlərinə görə çox milyonlarla dollar pul olub. Vanshelboym və onun direktoru Qrete Faremo ziyafətdə tanış olduqları britaniyalı iş adamı Devid Kendriklə əlaqəli şirkətlərə təxminən 60 milyon dollar sərmayə qoyublar.
Lakin investisiyalar son dərəcə uğursuz olub. İnvestisiyaların yalnız 10%-ə yaxını özünü qaytara bilib. Bu ilin yanvarında keçirilən məhkəmə prosesindən sonra Vanşelboym BMT-dən qovulub, onun Faremo ilə birgə yaratdığı investisiya proqramı ləğv edilib.
Eks-məmurun sözlərinə görə, o, bir illik əmək haqqına bərabər məbləğdə cərimələnib və əlavə olaraq, 63 milyon 626 min 806 dolları BMT-yə qaytarmaq tapşırılıb. Vanşelboym bu məbləği ödəməsə, BMT-dən pensiya almaq hüququnu itirəcək. Keçmiş məmur işdən çıxarılma və cərimə qərarının ləğv edilməsi xahişi ilə bu işə rəhbərlik edən BMT-nin məhkəmə sisteminə müraciət edib.
Poliqon.info