DİN Şirvanda baş verən bıçaqlanma hadisəsi barədə məlumat yayıb - Yenilənib
Daxili İşlər Nazirliyi (DİN) Şirvanda baş verən bıçaqlanma hadisəsi barədə məlumat yayıb.
DİN-in Mətbuat Xidmətinin Şirvan regional qrupundan "Report"un sorğusuna cavab olaraq bildirib ki, bu gün saat 18 radələrində Şirvan şəhər sakini, 2009-cu il təvəllüdlü Ü.Ş. aralarında yaranmış mübahisə zəminində tanışı, 2010-cu il təvəllüdlü Ş.A-ya bıçaqla xəsarət yetirib. Sonuncu aldığı xəsarətlərdən Şəhər Mərkəzi Xəstəxanasına yerləşdirilib.
Faktla bağlı Şirvan ŞPŞ-nin İstintaq Bölməsində araşdırmalar aparılır.
***
“Report”un Aran bürosunun məlumatına görə, hadisə Şirvan şəhərində qeydə alınıb.
Belə ki, Şirvan şəhər sakini, 2010-cu il təvəllülü Allahverdizadə Şakir Həsənxan oğlu bədəninin kəsilmiş-deşilmiş yaraları ilə Şirvan Şəhər Mərkəzi Xəstəxanasına çatdırılıb.
Onun məktəbli yoldaşı tərəfindən bıçaqlandığı bildirilir.
Faktla bağlı araşdırma aparılır.
Poliqon.info