Blinken: Ukraynaya hərbi yardım vəsaitlərinin təxminən 90%-i ABŞ-da qalır
Poliqon xəbər verir ki, bunu Dövlət Katibi Entoni Blinken Böyük Britaniyanın xarici işlər naziri Devid Kemeronla keçirdiyi mətbuat konfransında bildirib.
“Ukraynanın müdafiəsi üçün qoyduğumuz investisiyalara nəzər salsanız, göstərdiyimiz hərbi yardımın 90%-i əslində burada, ABŞ-da bizim istehsalçılarımızla birgə xərclənib və bu, Amerikada daha çox iş yerlərinin yaradılması ilə nəticələnib”, deyə Blinken deyib.
Dövlət Katibi əmindir ki, Ukraynaya yardımın göstərilməsi ABŞ iqtisadiyyatının inkişafı üçün stimul rolunu oynayıb.
“Bu, hər kəs üçün qazanmaq vəziyyətidir, ona görə də davam etməliyik”, Deyə Entoni Blinken qeyd edib.
Xatırladaq ki, Ukrayna və İsrailə yardımın maliyyələşdirilməsi ABŞ-ın noyabrın 17-də təsdiq edilmiş müvəqqəti büdcəsindən ayrıca nəzərdən keçirilir. Ağ Ev bu məqsədlər üçün 106 milyard dollar ayırmağı təklif edib ki, bunun da 61 milyard dollarından çoxu Kiyevə veriləcək. Meksika ilə sərhəddə immiqrasiya siyasətinin sərtləşdirilməsinə dair düzəlişlərin yardım paketinə daxil edilməsində israr edən Respublikaçılar Partiyasının üzvlərininin mövqeyinə görə vəsaitin köçürülməsi ilə bağlı razılığa gəlmək mümkün olmayıb.
Poliqon.info