Analitik: Senatın qərarı müttəfiqlərin Vaşinqtona etimadı sarsıdacaq
Poliqon xəbər verir ki, bunu Bloomberg Agentliyinə Vaşinqtondakı Strateji və Beynəlxalq Araşdırmalar Mərkəzinin Rusiya üzrə eksperti və ABŞ-ın keçmiş rəsmisi Maks Berqman bildirib.
"Dünyada ABŞ-ın təhlükəsizlik zəmanətlərinə güvənən hər kəs - Tokio, Seul, Kanberra, Taypey şok hissi keçirəcək ki, bu amerikalılara sadəcə etibar etmək olmaz, çünki onlar ciddi deyillər", deyə ekspert bildirib.
Berqmann vurğulayıb ki, Birləşmiş Ştatlar daxilindəki siyasi toqquşmalar ABŞ-ın Ukraynaya xarici siyasət dəstəyini, eləcə də Amerikanın bütün dünya üzrə müttəfiqləri və tərəfdaşlarına etibarını potensial olaraq məhdudlaşdırır.
Bundan əvvəl Ukraynaya çoxmilyardlıq yardımın ayrılması ilə bağlı qanun layihəsinin ABŞ Senatında prosessual səsverməyə çıxarılmadığı bildirilirdi. O, Ukrayna, İsrail və Tayvana 106 milyard dollar məbləğində maliyyə yardımının ayrılmasını nəzərdə tuturdu. Bu məbləğin yarısından çoxu Kiyev üçün nəzərdə tutulub - 61 milyard dollar.
Dekabrın 6-da ABŞ prezidenti Co Bayden qanunvericilər dekabrın ortalarında Milad tətilinə getməzdən əvvəl federal büdcədən Ukraynaya əlavə böyük maliyyə yardımı ayırmaq barədə administrasiyanın müraciətinin təsdiqlənməsi məsələsi ilə bağlı Konqresə müraciət edib. Amerika prezidenti qeyd edib ki, Vaşinqtonun Kiyevə yardımdan imtina etməsi Ukrayna Silahlı Qüvvələrinin Avropa ölkələrindən dəstəyini təhlükə altına salacaq.
Poliqon.info