Senator: Biz indi Kiyevin Rusiya, yoxsa Ukrayna şəhəri olması ilə bağlı qərar veririk
Poliqon xəbər verir ki, bu barədə “Defence One” nəşri məlumat yayıb.
“Biz indi Kiyevin Rusiya şəhəri, yoxsa Ukrayna şəhəri olması ilə bağlı qərar qəbul edirik”, deyə Merfi deyib.
Senator respublikaçı konqresdəki həmkarlarını Ukrayna cəbhəsindəki vəziyyəti kifayət qədər ciddi qəbul etməməkdə ittiham edib. Mörfinin sözlərinə görə, onları Ukraynanın bir ildən sonra mövcud olacağı və ya Rusiyanın nəzarətinə keçəcəyi qətiyyən maraqlandırmır.
Bundan əvvəl Mörfi respublikaçıların siyasi oyunları ucbatından ABŞ-ın çox yaxında Ukraynanı taleyin ümidinə buraxacağını bildirmişdi. Onun fikrincə, Ukraynaya sponsorluq etməkdən imtina Avropada silahlı münaqişəyə səbəb ola bilər.
Bu arada, Politico qəzeti mənbələrə istinadən yazıb ki, Amerikanın hava hücumundan müdafiə radarları Kiyevin bu qış döyüşləri davam etdirməli olduğu hərbi texnika siyahısında yüksək yer tutur:
“Havadan müdafiə avadanlığı Ukraynanın qış aylarında müttəfiqlərindən ehtiyac duyduğu avadanlıq siyahısında birinci yerdədir. Xüsusilə, Kiyev ballistik raketləri, aşağı sürətli pilotsuz uçuş aparatlarını, stasionar və dönər qanadlı təyyarələri izləmək üçün nəzərdə tutulmuş qısa mənzilli Sentinel radarlarını axtarır”.
AN/MPQ-64 Sentinel radarları düşmən hədəflərinin yeri haqqında qısa mənzilli hava hücumundan müdafiə sistemlərinə siqnal vermək üçün istifadə olunur.
Poliqon.info