AK Polşanı tənqid etdi: Stolüstü tennis oyunu ədalətsizdir
Poliqon xəbər verir ki, bunu Avropa İttifaqı Şurasının infrastruktur və nəqliyyat nazirləri səviyyəsində keçirilən iclasından sonra nəqliyyat üzrə Avropa komissarı Adina Velyan deyib.
O, bu müqaviləni müdafiə edəcəyinə söz verir. "Ukrayna ilə Avropa Komissiyası arasında bu stolüstü tennis oyunu ədalətsizdir. Bu arada insanlar sərhəddə əziyyət çəkir, Avropa İttifaqının xarici sərhədləri isə girova çevrilir. Ona görə də icazələrin geri qaytarılması ideyası qəbuledilməzdir, çünki biz icazələrdən məhz bu məqsədlə imtina etmişik", - deyə o, "Azadlıq" radiosuna bildirib.
Adina Velyan vurğulayıb ki, bu razılaşma ilə bağlı problemlər yalnız sərhəddəki kritik vəziyyət aradan qaldırıldıqdan sonra müzakirə edilməlidir. O, Polşa hökumətini də tənqid edərək, ölkədə seçkilərdən sonra yeni çoxluğun formalaşması prosesinin olduğunu qeyd edib.
Qeyd edək ki, noyabrın əvvəlində Polşa daşıyıcıları "nəqliyyat vizası rejiminin" ləğvi də daxil olmaqla, bir sıra tələblər irəli sürərək, Ukrayna ilə sərhəd-keçid məntəqələrində tətil keçirib. Sonradan onlara Polşa fermerləri qoşulub.
Bu hərəkətlər sərhəddə böyük növbələrə səbəb olub, həmçinin Ukraynaya yardımın çatdırılmasına mənfi təsir göstərib. Ukraynalı sürücülər cavab olaraq Polşanın özündə yolları bağlayıblar.
Polşanın infrastruktur naziri Ukraynanı etirazçıların bir sıra tələblərini yerinə yetirməyə çağırıb. Daha sonra onları naş nazir Mateuş Moravetski də dəstəkləyib.
Poliqon.info