Azərbaycan vətəndaşları Prezidentə təşəkkür məktubu yazdı - Qazaxdan

Regionların sosial-iqtisadi inkişafı üzrə dövlət proqramlarının uğurlu icrası ilə əlaqədar Azərbaycan vətəndaşları Prezident, Müzəffər Ali Baş Komandan İlham Əliyevə minnətdarlıq məktubları ünvanlamaqda davam edirlər.

Mediaxeberleri.Az Prezidentin saytına istinadla həmin məktubların bəzilərini təqdim edir:

Qazax şəhəri, Hacı Zeynalabdin Tağıyev küçəsinin sakinlərindən,

Hörmətli cənab Prezidentimiz, Müzəffər Ali Baş Komandanımız.

Son illər Sizin rəhbərliyinizlə regionların sosial-iqtisadi inkişafı üzrə dövlət proqramlarının uğurlu icrası sayəsində ölkəmizin hər yerində genişmiqyaslı abadlıq və quruculuq işləri həyata keçirilir. Bunun bariz nümunəsini rayonumuzun simasında da aydın şəkildə görmək olur.

Bizim rayonumuzda aparılan abadlıq işləri hazırda da uğurla davam etdirilir. Bu yaxınlarda bizim yaşadığımız küçə olan Hacı Zeynalabdin Tağıyev küçəsinə asfalt örtüyü vuruldu. Bunun üçün Sizə cani-könüldən öz minnətdarlığımızı bildirir, cansağlığı, uzun ömür diləyirik.

Tanrı Sizi qorusun!

Hörmətlə,

Hacı Zeynalabdin Tağıyev küçəsinin sakinləri:

Mansurov Ramiz,

Nəsibov Elçin,

Yaqubov Rəşid,

Qasımov Aqil,

Orucov Fuad və başqaları (10 nəfər).

Azərbaycan Respublikası, Qazax şəhəri.

28 noyabr 2023-cü il

https://president.az/az/articles/view/62349

Poliqon.info