Güney Azərbaycan şəhərlərində etirazlar davam edir - Fotolar
Poliqon.info xəbər verir ki,tanınmış milli-mədəni fəal Yürüş Mehrəlibəyli və başqa fəalların uzun müddətli həbs və işgəncəyə məruz qalmasına Güney Azərbaycan şəhərlərində etirazlar davam edir.
ETTELAAT-ın ourladığı Yürüş Mehrəlibəyli kimdir?Güney Azərbaycanın tanınmış milli fəallarından olan, “Qopuz” jurnalının keçmiş direktor və redaktoru olan Yürüş Mehrəlibəyli noyabrın 7-si Gərgər şəhərində silahlı ETTELAAT məmurları tərəfindən saxlanılıb.
O, 1979-cu ilin yanvarın 31-də Şərqi Azərbaycanın Xarvana rayonunun Qarlıca yaylağında anadan olub. Sonralar ailəsi Culfa şəhərinin Şuca kəndinə köçür. Bu kənddə böyüyən Yürüş Mehrəlibəyli tam orta məktəbi Ələmdar şəhərində bitirdikdən sonra Rəşt Universitetinin “Sənaye idarəçilik” ixtisasına daxil olur və buranı bitirir. Ardınca Tehranın Tərbiyət Müdərris Universitetinə daxil olaraq magistr dərəcəsini də başa çatdırır. Lakin onun doktorantura dərəcəsində təhsil almasına icazə verilmir.
İlk dəfə 2002-ci ilin 12 dekabr tarixinda Şəbistər şəhərində, prof. Məhəmmədtağı Zehtabinin məzarı üstə tutularaq bir aydan sonra azadlığa buraxılır. İki il sonra - 2005-ci ildə Bəzz (Babək) qalasında keçirilən mitinq zamanı yenidən həbs edilərək 2 ay saxlanılır. O, 2006-cı ildəki Xordad etirazlarında bir daha həbs olunur. 2010-cu ilin may ayında isə Güney Azərbaycan Milli Oyanış Hərəkatına (GAMOH) üzv olduğu üçün 9 ay həbsdə saxlanılmışdı. Bu müddətin 7 ayını təknəfərlik kamerada keçirib. Yürüş Mehrəlibəyli həbsdən azad edildikdən sonra orada yaşadığı günləri və işgəncələri “Qarçiçəyi” adlı kitabında qələmə alıb.
O, 2012-ci ildə “Yeni GAMOH” təşkilatının yaradılmasında ittiham olunaraq 9 il müddətinə azadlıqdan məhrum edilmiş, 5 il sonra isə şərti azadlığa buraxılmışdır.
Poliqon.info