Badalyan: Ermənistan və Azərbaycan nümayəndələri sərhəddə görüşəcək
İlkin razılaşmaya əsasən, noyabrın 30-da Ermənistan və Azərbaycan sərhədinin delimitasiyası üzrə komissiyaların iclası keçiriləcək...
Poliqon xəbər verir ki, bu barədə Ermənistan Xarici İşlər Nazirliyinin mətbuat katibi Ani Badalyan sosial şəbəkələrdə məlumat verib.
Danışıqların Ermənistan-Azərbaycan sərhədində aparılacağı qeyd edilir. Qarşıdan gələn görüşün digər təfərrüatları açıqlanmayıb.
Xatırladaq ki, noyabrın 21-də Azərbaycan Xarici İşlər Nazirliyi Ermənistanı sülh prosesini müzakirə etmək üçün sərhəddə görüşməyə dəvət edərək, İrəvanı yeni lazımsız gecikmələrə yol verməməyə çağırıb.
Noyabrın 22-də Ermənistan Xarici İşlər Nazirliyi sərhəddə görüş təklifini dəstəkləyib.
Poliqon.info