Yeni prezident 140%-lik inflyasiya ilə necə mübarizə aparacaq?
Poliqon xəbər verir ki, prezident bu barədə Argentinanın TN telekanalına müsahibəsində danışıb. Xavyer Miley qeyd edib ki, bu problemin həlli iqtisadi siyasətdə ciddi dəyişikliklər tələb edəcək.
“Argentinalıları ən çox aldadan inflyasiyadır. ÜDM-in 15 bəndi olan ölkə ilə Mərkəzi Bank arasında konsolidasiya edilmiş büdcə kəsiri tarixdə ən böyük kəsirdir. Bu, vergi hesablarınızı qaydaya salmaqla tamamlanmalıdır. Əgər heç nə etməsək, hiperinflyasiyaya düşəcəyik”, deyə Miley bildirib.
O əlavə edib ki, sistemin restrukturizasiyası müəyyən vaxt gecikməsi ilə nəticələnəcək və 18-24 ay ərzində nəticə verəcək. Miley vurğulayıb ki, dəyişikliklərin tətbiqi ilə ilk növbədə, ilkin büdcə kəsirindən xilas olunsa, inflyasiya azalmağa başlayacaq.
Qeyd edək ki, noyabrın 19-da Argentinada prezident seçkilərinin ikinci turu keçirilib. Miley hökumətin namizədi, Argentinanın iqtisadiyyat naziri Serxio Massanı məğlub edərək 50%-dən çox səs toplayıb. Argentinanın yeni seçilmiş prezidentinin andiçmə mərasimi dekabrın 10-da baş tutacaq.
Poliqon.info