HƏMAS əsir götürdüyü iki rus qadını azad edəcək
Poliqon xəbər verir ki, bu barədə HƏMAS-ın xarici əlaqələr şöbəsinin rəhbəri Bassem Naim məlumat verib.
“Hələlik bu məsələ ilə bağlı dəqiq məlumatım yoxdur, lakin məndə olan məlumata görə, iki rusiyalı qadın atəşkəsdən dərhal sonra azad olunacaq”, hərəkatın nümayəndəsi “RİA Novosti” Agentliyinə bildirib.
Bununla belə, Naim həmçinin bildirib ki, HƏMAS onların azad edilən ilk girovlar sırasında olub-olmayacağına hələ qərar verməyib. Azad ediləcək girovların siyahıları Qətər, Misir və ABŞ-ın iştirakı ilə tərtib edilir.
Qeyd edək ki, bu gün, noyabrın 22-də məlum olub ki, HƏMAS və İsrail 50 israilli girov və 150 fələstinli məhbusun azad edilməsi müqabilində Qəzza zolağında dörd günlük atəşkəs yaratmaq barədə razılığa gəliblər.
Qətər Xarici İşlər Nazirliyinin verdiyi məlumata görə, Qəzza zolağında atəçkəsin başlanması 24 saat ərzində elan ediləcək. The New York Times qəzetinin mənbələrə istinadən yaydığı məlumatına görə, girov mübadiləsi noyabrın 23-dən tez olmayacaq.
Poliqon.info