Pentaqon Baydenlə bağlı məyusluq yaşayır...
Poliqon xəvər verir ki. Bu barədə The Washington Post qəzetinin məlumatında bildirilir. Mənbələrin WP-yə verdiyi məlumata görə, Pentaqonda Co Bayden administrasiyasının İraq və Suriyadakı ABŞ bazalarına hücumları cilovlamaq səyləri ilə bağlı artan məyusluq var. Generalalrın fikrincə, bu strategiya İranyönlü qrupların hücumlarının sayının azalmasına səbəb olmayıb.
WP yazır ki, bəzi Müdafiə Nazirliyinin rəsmiləri Ağ Evin strategiyasının uyğunsuz olduğunu deyirlər. Onların fikrincə, ABŞ-ın məhdud hava hücumları nəticə vermir.
“Biz İranın gələcək bu kimi hücumlarının qarşısını almağa çalışırıq? İndiki taktika açıq şəkildə işləmir”Ş deyə WP-nin mənbələrindən biri bildirib.
Qəzetin yazdığına görə, İraq və Suriyadakı Amerika bazaları oktyabrın 17-dən etibarən demək olar ki, hər gün atəşə və pilotsuz təyyarələrin hücumlarına məruz qalır. 61 insident qeydə alınıb, 60-a yaxın insan yaralanıb. İndiyədək 10 baza hücuma məruz qalıb. Co Bayden buna cavab olaraq bir neçə dəfə İran tərəfdarı olduğu iddia edilən qruplaşmaların və İran İslam İnqilabı Keşikçiləri Korpusunun Suriyadakı mövqelərinə hava zərbələri endirmək əmri verib.
WP-nin məlumatına görə, Pentaqon prezidentə əlavə variantlar təqdim edib. Eyni zamanda, ABŞ Müdafiə Nazirliyi artıq görülən tədbirlərə praktiki olaraq heç bir alternativ görmür. Çünki İrana birbaşa zərbələr eskalasiyaya səbəb olacaq. Eyni zamanda İraqa hücumlar da anti-Amerika əhval-ruhiyyəsinin artmasına səbə olur.
Poliqon.info