Blinken Çin liderini diktator hesab edib-etməməsi ilə bağlı suala cavab verməkdən imtina edib
Poliqon xəbər verir ki, bu sual ona ABC televiziyasına müsahibəsi zamanı verilib.
Teleaparıcı Blinkendən Si Tszinpini diktator hesab edib-etmədiyini soruşub. Jurnalist noyabrın 15-də çinli həmkarı ilə görüşdən sonra Baydenin mətbuat konfransında onu diktator adlandırdığı zaman kameraların dövlət katibinin üzündəki ağrılı ifadəni necə qeydə aldığını xatırladıb.
Lakin dövlət katibi bu suala birbaşa cavab verməkdən yayınıb. Onun sözlərinə görə, ABŞ və Çin çox fərqli siyasi sistemlərə malikdir.
"Və prezident Bayden həmişə danışır və hamımız üçün danışır", deyə Blinken bildirib.
Bundan əvvəl ABŞ prezidenti Co Bayden və Çin Xalq Respublikasının sədri Si Tszinpin arasında ikitərəfli görüş keçirilib. İki lider arasında danışıqlar 2,5 saatdan az davam edib.
Si Tszinpin Co Bayden ilə görüşü zamanı ABŞ və Çin arasındakı münaqişənin hər iki ölkə üçün dözülməz nəticələrə səbəb ola biləcəyini deyib. Çin liderinin sözlərinə görə, dövlətlər arasında rəqabət üstünlük təşkil edən tendensiya olmamalıdır.
Poliqon.info