İsrail ordusu Qəzzada xəstəxanaların qanuni hərbi hədəf olduğunu bildirib
İsrail təcili yardım maşınlarına edilən hücumları HƏMAS-ın ibu maşınlardan istifadə etməsi ilə ılaqələndirib.
Poliqon xəbər verir ki, İsrail Müdafiə Qüvvələri Fələstinin HƏMAS hərəkatını təcili yardım maşınları və xəstəxanalardan hərbi məqsədlər üçün istifadə etməkdə ittiham edib. İsrail hesab edir ki, bu, nəqliyyat vasitələri və obyektləri qanuni hərbi hədəflərə çevirir.
“HƏMAS silahlarını daşımaq üçün təcili yardım maşınlarından istifadə edir və döyüşçüləri mülki şəxslər kimi gizlətmək üçün xəstəxanalardan istifadə edir və xəstəxanalar əslində terror infrastrukturudur. Bu, beynəlxalq hüquqa ziddir və onları qanuni hərbi hədəflərə çevirir”, deyə İsrail ordusunun X sosial şəbəkəsində yayılan məlumatında bildirilir.
Beynəlxalq təşkilatlar Qəzzada dəfələrlə İsrail tərəfindən xəstəxanalara və təcili yardım maşınlarına hücumlar barədə məlumat veriblər. Belə ki, şənbə günü, noyabrın 11-də Sərhədsiz Həkimlər Təşkilatı Qəzzada “Əl-Şifa” xəstəxanasının doğum şöbəsinə edilən hücumlardan danışıb. Xəstəxananı boşaltmağa çalışan insanlar atəşə tutulub. Noyabrın əvvəlində İsrail özü də təcili yardımı vurduğunu etiraf edərək, maşının HƏMAS döyüşçüləri tərəfindən idarə edildiyini iddia edib.
Poliqon.info