Trampın məhkəməsi - Hakim vəkildən eks prezidenti susdurmağı tələb edib...
Poliqon Amerika mətbuatına əsasən xəbər verir ki, ABŞ-ın 45-ci prezidentinin Manhetten federal məhkəməsində dindirilməsi 4 saat davam edib.
Qeyd edək ki, Nyu-Yorkun Baş prokuroru Letisiya Ceyms 2022-ci ilin sentyabrında Donald Trampa qarşı fırıldaqçılıq ittihamı ilə iddia qaldırıb. Bir il sonra ştat hakimi cinayəti müəyyən edib. İttihama əsasən keçmiş prezident banklardan daha sərfəli təkliflər almaq üçün öz aktivlərinin dəyərini bilərəkdən şişirdib. Siyasətçinin şirkətlərinə Nyu-Yorkda bizneslə məşğul olmaq qadağan edilib. Davam edən məhkəmə prosesi Trampın və onun ailə üzvlərinin hansı cəzalarla üzləşə biləcəyini müəyyən etməkdir.
Politico nəşri xəbər verir ki, əhər məhkəməyə pis əhval-ruhiyyədə gələn Donald Tramp, hətta dinləmə başlamazdan əvvəl məhkəmə işini “siyasi savaş” adlandıraraq bunun yalnız “banan respublikalarında” baş verdiyini vurğulayıb.
Keçmiş prezident dərhal hakimi həmişə onun əleyhinə qərar verməkdə ittiham edib, prosesi ədalətsiz adlandırıb və obyektlərin dəyəri ilə bağlı birbaşa cavablar əvəzinə brendin dəyəri ilə bağlı uzun monoloqlar səsləndirib.
The New York Times yazır ki, Tramıın İfadəsi tez bir zamanda tikanlı söz atışmasına çevrilib. Hakim az adamın bacardığı şeyi etməyə, Trampı susdurmağa çalışıb, lakin bacarmayıb. Sonda hakim Trampın vəkilindən tələb edib ki. Müvəkkilini susdursun.
Poliqon.info