Polşada yeni hökümətin formalaşdırılmasına start verilib
Poliqon xəbər verir ki, Polşa prezidenti Anjey Duda Seymə (parlament) Mateuş Moravetskinin Baş nazir postuna namizədliyini təqdim edib. O, indiki hökumətin başçısıdır.
“Sakit təhlil və məsləhətləşmələrdən sonra hökumətin formalaşdırılması missiyasını Baş nazir Mateuş Moravetskiyə etmək qərarına gəldim. Bununla mən parlament ənənəsini davam etdirməkdə qərarlıyam. Ona görə də qalib gələn partiya hökuməti formalaşdırmaq şansını birinci əldə etməlidir”, deyə Duda Polşa televiziyası ilə çıxışında bildirib
Xatırladaq ki, oktyabrın 15-də keçirilən parlament seçkilərində Polşada hakim Qanun və Ədalət Partiyası (PiS) 35,38 faiz səslə qalib gəlib. Eyni zamanda o, parlamentdəki çoxluğunu itirib. Moravetskinin indiki parıamentdən hökümətinə etimad alması çox çətin görünür.
İkinci yeri keçmiş baş nazir Donald Tuskun rəhbərlik etdiyi müxalifətçi Vətəndaş Platforması (30,7%), üçüncü yerdə sağ mərkəzçi Üçüncü Yol Partiyası (14,4%), Yeni Sol Partiyası (8,61%) isə dördüncü yerdə qərarlaşıb. . Seçkilərdə iştirak rekordu - 71,99% olub.
Poliqon.info