Ekspertlər gələcəyin əsas risklərini açıqlayıb - Siyahı
Poliqon xəbər verir ki, tədqiqat 50 ölkədən 3,2 min mütəxəssis arasında keçirilən sorğu əsasında tərtib edilib.
Mütəxəssislər qlobal iqlim dəyişikliyi ilə bağlı risklərə üstünlük verirlər. İkinci yerdə kibertəhlükəsizliklə bağlı risklər, üçüncü yerdə artan geosiyasi gərginliyin səbəb olduğu təhlükələr qərarlaşıb. Sorğu Yaxın Şərqdə vəziyyətin son zamanlar pisləşməsindən əvvəl aparılıb ki, bu da gələn ilki sorğuda reytinqə öz təsirini göstərəcək.
Süni intellektin inkişafı ilə bağlı risklər keçən ilki 14-cü yerdən 4-cü pilləyə yüksəlib. İlk onluğa daxil olan digər əsas çağırış və təhdidlərə enerji təhlükəsizliyi, məhdud təbii ehtiyatlar, sosial gərginlik, maliyyə və makroiqtisadi risklər daxildir.
Mütəxəssislərlə yanaşı, tədqiqatın müəllifləri geniş ictimaiyyətin 20 000 üzvü arasında sorğu keçirib. Respondentlər də iqlim dəyişikliyini birinci sıraya qoyublar. Lakin ikinci yerdə pandemiya və yoluxucu xəstəliklərin yayılması ilə bağlı narahatlıqlar dayanır ki, bu da mütəxəssisləri daha az narahat edir.
Əlavə etmək lazımdır ki, həm ekspertlər, həm də geniş ictimaiyyət arasında respondentlərin əksəriyyəti bəşəriyyətin bütün çağırışların öhdəsindən gəlmək və kollektiv tərəqqiyə nail olmaq üçün lazımi resurslara malik olduğuna əmindir. Gələcək böhranların mənfi nəticələrini aradan qaldırmağı bacaran qlobal oyunçular arasında hər ikisi əsas ümidlərini alimlərə bağlayır.
Poliqon.info