“Qəhrəmanlar Can Verir Yurdu Yaşatmaq üçün” adlı layihə çərçivəsində “Təsir” növbəti tədbir – sərgi keçirilib
Azərbaycan Respublikası Prezidenti Silahlı Qüvvələrin Ali Baş komandanı cənab İlham Əliyevin 03 dekabr 2020-ci ildə Zəfər muzeyinin və Memorial kompleksin inşası ilə əlaqədar imzaladığı sərəncama əsasən, 2021-ci ilin yanvar ayından Mədəniyyət Nazirliyinin əmrinə əsasən Azərbaycan İstiqlal Muzeyi tərəfindən Zəfər muzeyinin fondlarının kompleksləşdirilməsi məqsədi ilə şəhid ailələri ilə görüş keçirilir və şəhidlərin şəxsi əşyaları Zəfər muzeyi üçün toplanılır.
Azərbaycanın ərazi bütövlüyü və suverenliyi uğrunda şəhidlik zirvəsinə ucalanların xatirəsini yaşatmaq, onların qəhrəmanlığını gələcək nəsillərə nümunə göstərmək hər birimizin borcudur. Bu məqsədlə Vətən torpaqlarının işğaldan azad olunmasında xidmətlər göstərmiş qəhrəmanlarımıza və onların ailə üzvlərinə diqqət və qayğı daima Azərbaycan Dövlətinin və Prezident cənab İlham Əliyevin nəzərində olub.
Poliqon xəbər verir ki, tədbirdə Azərbaycan İstiqlal Muzeyinin direktoru Sədi Mirseyibli çıxış edərək, Vətən müharibəsində şəhidlik zirvəsinə ucalan gizir Cəmil Həşimlinin, kapitan Ramil Babayevin , əsgər Pərviz Novruzovun, çavuş Ruzi İbrahimovun və Xalid Mecdunovun, baş leytenant Məmmədhəsən Sadıqlının və Fərrux Hüseynovun əziz xatirələri yad edildi.
Daha sonra sərgidə muzey fondlarımızda qorunub saxlanılan Vətən müharibəsi şəhidlərinin şəxsi əşyaları, fotoşəkillər, sənədlər və müxtəlif hərbi geyimlər nümayiş olunmuşdur.
Tədbirdə şəhid ailələri, Azərbaycan Dövlət Dəniz Akademiyasının kursantları, İRƏLİ İB könüllüləri və digər qonaqlar iştirak ediblər.
Azərbaycan İstiqlal Muzeyində təşkil olunan sərgi noyabr ayının 10-na qədər davam edəcək.
Poliqon.info