Baqeri: İsrail Qəzza zolağında növbəti alçaldıcı məğlubiyyətə uğrayacaq
İran Silahlı Qüvvələrinin Baş Qərargah rəisi, general-mayor Məhəmmədhüseyn Baqiri, müqavimət qüvvələrinin Qəzza zolağında 400 kilometrdən çox yeraltı tunel inşa etdiyini qeyd edərək, İsrailin Qəzza zolağına qurudan hücumunda daha bir alçaldıcı məğlubiyyət alacağını bildirib.
Poliqon xəbər verir ki, bu barədə Tasnim Agentliyi məlumat yayıb.
“Qəzzanın şimalında Fələstinli döyüşçülər 400 kilometrdən çox tunel inşa etdiklərini deyirlər. Onların bəzilərini nəqliyyat vasitələri və motosikletlər keçə bilər”, deyə Baqeri vurğulayıb. Generalın sözlərinə görə, tunellərin Qəzza zolağına girişi var, digər ucu isə baryerlərin arxasındadır.
General Baqeri əlavə edib ki, İsrail rejimi həm döyüş meydanında, həm də qlobal ictimai rəydə məğlub olub.
“Əgər İsraillilər məntiqli davranmaq istəsələr, daha tez bir zamanda atəşkəslə razılaşmalı və danışıqlar yolu ilə vaxt qazanmalıdırlar”, deyə İran Silahlı Qüvvələrinin Baş Qərargah rəisi vurğulayıb.
Poliqon.info