Astarada 18 yaşlı gənc 40 yaşlı kişini güllələyib - Yenilənib
Astarada baş verən qətlin bəzi təfərrüatları məlum olub.
APA-nın cənub bürosunun mərhum Burxan Vahabovun yaxınlarından əldə etdiyi məlumata görə, qətl qisas zəminində, bilərəkdən törədilib.
Hadisəni törətməkdə şübhəli bilinən Pərviz Əhmədovun atası təqribən 4 ay əvvəl həbs olunub. Onun atasının həbsində B.Vahabovun rolu olduğu bildirilir.
Qeyd edək ki, mərhum və hadisəni törədən yaxın qohumdurlar.
***
Ağdaş rayon prokurorluğundan APA-ya verilən xəbərə görə, araşdırma zamanı 2005-ci il təvəllüdlü Pərviz Əhmədovun rayonun Pəlikəş kəndi ərazisində aralarında yaranmış mübahisə zamanı Burhan Vahabovu odlu silahdan bir dəfə atəş açaraq qəsdən öldürməsinə əsaslı şübhələr müəyyən edilib.
Faktla bağlı Astara rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, Pərviz Əhmədov şübhəli şəxs qismində tutulub.
Hazırda ibtidai istintaq davam edir.
***
Oktyabrın 29-da saat 08 :30 radələrində Astara rayonu Pəlikəş kəndi ərazisində 1983-ci il təvəllüdlü Vahabov Burxan Ayətulla oğlunun ov tüfəngi ilə qətlə yetirilməsi barədə polisə məlumat daxil olub.
DİN-in mətbuat xidmətinin regional qrupundan APA-ya bildirilib ki, cinayət əməlini törətməkdə şübhəli bilinən kənd sakini 2005-ci təvəllüdlü Əhmədov Pərviz Habil oğlu könüllü polisə təslim olub. O, saxlanılıb.
İlkin məlumata görə hadisə şəxsi münasibətlər zəminində baş verib.
Araşdırma aparılır.
Poliqon.info