Amerikalı konqresmen ABŞ və İsraili müharibə cinayətlərində ittiham edib
Poliqon Fox News telekanalına istinadən xəbər verir ki, Tlaibin sözlərinə görə, ABŞ və İsrail hökumətləri müharibələr və müharibə cinayətləri haqqında ictimaiyyəti çaşdırmaqda "uzun tarixə" malikdir.
Tlaib bildirib ki, media və müstəqil analitiklər həm İsrail, həm də Qəzza Səhiyyə Nazirliyinin Əl-Əhli xəstəxanasına hücumu kimin həyata keçirməsi ilə bağlı təqdim etdikləri sübutlara artıq şübhələrini bildiriblər. Konqresmen hesab edir ki, BMT-nin təkid etdiyi müstəqil araşdırmanı aparmaq lazımdır.
"Mən İsrailin məsuliyyəti inkar etməsini birmənalı olaraq fakt kimi qəbul edə bilmərəm. Xüsusən də Ümumdünya Səhiyyə Təşkilatının İsrailin Qəzza zolağında çoxsaylı tibb müəssisələrini bombaladığını təsdiqləməsi və Fələstin Qızıl Aypara Cəmiyyətinin İsrail hərbçilərinin davam edən təhdidləri ilə bağlı hesabatları fonunda..., deyə konqresmen bildirib.
O qeyd edib ki, həm İsrail, həm də ABŞ hökumətləri ictimaiyyəti müharibələr və müharibə cinayətləri haqqında çaşdırmaq üzrə uzun və sənədləşdirilmiş tarixə malikdir.
O həmçinin HƏMAS tərəfindən saxlanılan girovların xilas edilməsi səylərinin dayandırılmamasına çağırıb.
Poliqon.info