Qəzza zolağında 17 günlük müharibədə 2 mindən çox uşaq həlak olub
Poliqon xəbər verir ki, bu barədə” Save the Children” beynəlxalq xeyriyyə təşkilatı bildirib. Hesabatda qeyd edilir ki, İordan çayının qərb sahilində daha 27 uşaq öldürülüb. Zərəçəkən uşaqların sayı isə 4,6 mini ötüb.
Təşkilatın X sosial şəbəkəsindəki bəyanatında deyilir: “Belə kiçik və sıx məskunlaşan ərazidə davamlı hava hücumları da daxil olmaqla aktiv münaqişə, şok dərəcədə yüksək sayda mülki itki ilə nəticələnir”.
“Save the Children” təşkilatının hesabatında bildirilir ki, Qəzza zolağında hücumlar nəticəsində minlərlə ev, onlarla uşaq meydançası, məktəblər, xəstəxanalar, kilsələr və məscidlər dağıdılıb. Təşkilat qeud edir ki, yaralanan uşaqlar, “əzabverici yanıqlar alıb, əzalarını itirib və digər dəhşətli xəsarətlərə məruz qalıblar”. “Save the Children” təşkilatının Fələstin şöbəsinin direktoru Ceyson Li tərəfləri uşaqların həyatını qorumaq üçün təcili addımlar atmağa və beynəlxalq ictimaiyyətin bu səyləri dəstəkləməsinə çağırıb.
Qeyd edək ki, İsrail və HƏMAS arasında müharibə oktyabrın 7-dən davam edir. Qəzza zolağının əhalisinin yarısı uşaqlardır. Anklavda 5,1 min nəfər ölüb, 15,3 min nəfər yaralanıb. İordan çayının qərb sahilində 95nəfər ölüb və 1,7 min nəfər yaralanıb.
İsraildə müvafiq olaraq 1,4 min ölüb və 5,4 min nəfər xəsarət alıb.
BMT agentlikləri Qəzza zolağında fəlakətli vəziyyəti qeyd edir.
Poliqon.info