Deputat Qurulev: Putinin müxalifəti bu dünyada yaşamamalıdır...
Poliqon xəbər verir ki, “Rossiya 1” telekanalında “Vladimir Solovyovla bazar axşamı” verilişində çıxış edən deputat Andrey Qurulev, “Rusiyanın məğlubiyyətini tələb edən” müxalifət “bu dünyada mövcud olmamalıdır”, fikirini səsləndirib. Qeyd edək ki, bir həftə əvvəl, eyni proqramda Qurulev Putinə etibar etməyənlərin təcrid edilməsini və ya məhv edilməsini təklif edib.
Sitat. “Yəni bu müxalifətdir? Bunlar ölkəmizi məğlubiyyətə, onu dağılmağa, məhv etməyə çağıran adamdır. Bu, yəqin ki, müxalifət deyil, düşməndir. Burada əsas açaq söz düşməndir. Gəlin nöqtələri öz yerlərinə qoyaq. Bunlar düşməndir və onlara düşmən kimi baxmaq lazımdır. Yəqin ki, bu gün başqa variantımız yoxdur. Rusiyanın məğlubiyyətini tələb edən bu əclaf bu dünyada olmamalıdır”.
Çıxışı zamanı Qurulev konkret adda çəkib. O, “Exo Moskva” radiosunun keçmiş baş redaktorunu təhqir edərək, Aleksey Venediktovu və onun ətrafını “iy verən zibil” adlandırıb.
Qurulevdən əvvəl Solovyov Venedektov haqqında danışıb. Təbliğatçı internetdə fəaliyyət göstərən “Exo Moskva” radiosunun Liza Lazersonun iştirakı ilə olan qalmaqallı verlişi antisemitizmin təzahürü kimi qiymətləndirib:
“Mən sizə çoxdan demişdim ki, “Exo Moskva” mütləq şər üçün şərait yaradır. Bunu çoxdan demişəm. Mənə inanmadılar, güldülər. Görün, mütləq şərəfsiz və əclaf Venediktov hansı canavarları böyüdüb”, deyə Solovyov qeyd edib.
Poliqon.info