35 yaşlı Daniel Noboa Ekvadorun prezidenti seçilib
Poliqon xəbər verir ki, Reuters Agentlyinin məlumatında 35 yaşlı Noboa ilk turda səsvermədə autsayderi olu b.
Bülletenlərin 90%-i hesablandıqdan sonra Noboa səslərin 52%-ni qazanır. Onun solçu rəqibi Luisa Qonzales təxminən 48% səs toplayıb. Milli Seçki Şurası "dönməz" nəticəyə görə cənab Noboanın qələbəsini erkən elan edib. Xanım Qonzales məğlubiyyəti iə razılaşıb.
“Sabah biz bu yeni Ekvador üçün işə başlayacağıq, zorakılıq, korrupsiya və nifrətdən ciddi şəkildə zərər çəkmiş bir ölkənin yenidən qurulması işinə başlayacağıq”, deyə seçilmiş prezident tərəfdarlarına müraciətində bildirib.
Xanım Qonzales rəqibini qələbəsi münasibətilə təbrik edib və qeyd edib ki, “demokratiya budur”. Qonzales seçilmiş prezidentdən tələbələrə və yaşlılara verdiyi vədlərə əməl etməyə çağırıb. 35 yaşlı Noboa iqtisadiyyatı yaxşılaşdırmaq, gənclər üçün iş yerləri yaratmaq və təhlükəli cinayətkarları həbsxanaya yerləşdirmək vədləri əsasında kampaniya aparırdı.
Noboa biznesmen Alvaro Noboanın oğludur və seçkilərin birinci turu öncəsi sorğularda beşinci yeri tuta bilməyib.
Ekvadorda seçki yarışı zamanı prezidentliyə namizəd Fernando Villavicencio öldürülüb. Bu səbəbdən ölkədə fövqəladə vəziyyət rejimi tətbiq edilib. Daha sonra qətldə şübhəli bilinən 7 nəfər həbsxanada qətlə yetirilib.
Poliqon.info