ÜST Qəzzaya humanitar dəhliz açmağa çağırıb
Ümumdünya Səhiyyə Təşkilatı (ÜST) İsrail tərəfindən tam mühasirəyə alınan Qəzza zolağına giriş və çıxış üçün humanitar yardım dəhlizinin yaradılmasına çağırıb...
APA AFP-ya istinadən xəbər verir ki, ÜST Qəzza zolağındakı tədarüklərinin artıq tükəndiyini bildirərək buradakı xəstəxanaların bu təchizata çox ehtiyacı olduğunu bildirib.
BMT-nin səhiyyə agentliyi vurğulayıb ki, səhiyyə obyektləri qorunmalıdır.
"ÜST zorakılığa son qoymağa çağırır... kritik tibbi ləvazimatların insanlara çatdırılması üçün humanitar dəhliz lazımdır", - ÜST-ün sözçüsü Tarik Jasareviç Cenevrədə mətbuat brifinqində deyib.
"Təchizatın ora çatdırılması lazımdır: xəstəxanalar yanacaqsız, elektriksiz işləyə bilməz. Daha yerləşdirdiyimiz tədarüklər artıq tükənir, ona görə də bu təchizatların gəlməsinə ehtiyacımız var", ÜST rəsmisi deyib.
Poliqon.info