Britaniya kəşfiyyatı: Putin seçki kampaniyasına başlayır, səfərbərlik olmayacaq
Poliqon xəbər verir ki, bu barədə Böyük Britaniya Müdafiə Nazirliyi kəşfiyyat məlumatlarına istinadən məlumat yayıb.
Rusiyada prezident seçkiləri 2024-cü il martın 17-də keçiriləcək. Rusiya prezidenti Vladimir Putin namizədliyini irəli sürmək niyyətini hələ ictimaiyyətə açıqlamasa da, onun yenidən namizəd olacağı ehtimalı yüksəkdir.
"Putinin seçki kampaniyasının qeyri-rəsmi olaraq 2023-cü ilin noyabrında başlayacağı ilə bağlı ehtimallar var", deyə məlumatda bildirilir.
Eyni zamanda, kəşfiyyatın qeyd edir ki, Rusiyada seçkilər Kremlin müdaxiləsinə və nəzarətinə məruz qalsa da, siyasi legitimliyin əsas aləti olaraq qalır:
"Putinin seçki kampaniyasının xarici düşmənlərdən qorunmağa ehtiyacı olan ayrı bir sivilizasiya kimi Rusiya mövzusuna - dövlət hərəkətlərinə bəraət qazandırmaq və Putinin hakimiyyətini möhkəmləndirmək üçün tez-tez istifadə olunan rəvayətə diqqət yetiriləcəyini indidən demək olar".
Həmçinin, seçkilər ərəfəsində Kreml demək olar ki, qeyri-populyar siyasi addımlarını minimuma endirməyə çalışacaq.
"Ona görə də 2024-cü ilin martında keçiriləcək prezident seçkilərinə qədər hər hansı səfərbərlik dalğasının baş verməsi ehtimalı çox azdır", deyə kəşfiyyat qeyd edir.
Poliqon.info