Ordubad Rayon İcra Hakimiyyətinin başçısı səyyar görüş keçirdi
Poliqon xəbər verir ki, Ordubad rayonunda sakinləri narahat edən məsələlərin yerində araşdırılaraq öyrənilməsi və onların müxtəlif sahələrdə qarşılaşdıqları çətinliklərin aradan qaldırılması məqsədilə davamlı olaraq rayon mərkəzi ilə yanaşı kəndlərdə də səyyar qəbullar həyata keçirilir.
Rayon İcra Hakimiyyətinin başçısı bu dəfəki səyyar qəbulunu Üstüpü kəndində keçirib. Görüşdə Üstüpü kəndi ilə yanaşı, eyni icra nümayəndəliyinin tabeliyində olan Məzrə və ona qonşu olan Çənnəb kəndinin sakinləri də iştirak ediblər.
İnzibati ərazi dairəsi üzrə nümayəndəliyin binasında keçirilən görüşdə Ordubad Rayon İcra Hakimiyyyəti başçısının müavini və şöbə müdirləri, eləcə də rayonun idarə, müəssisə və təşkilatlarının rəhbərləri, inzibati ərazi dairəsi üzrə nümayəndələr, bələdiyyə sədrləri iştirak ediblər.
Rəcəb Rəhimli bildirib ki, Azərbaycan Prezidenti cənab İlham Əliyevin diqqət və qayğısı nəticəsində son illər respublikamızın bütün bölgələrində olduğu kimi, onun ayrılmaz tərkib hissəsi olan Naxçıvan Muxtar Respublikasında, eləcə də Ordubad rayonunda abadlıq quruculuq işləri aparılır, mühüm infrastruktur layihələri reallaşdırılır, əhalinin sosial rifah halının yaxşılaşdırılması, məşğulluqlarının təmin olunması, onları narahat edən problemlərin həlli istiqamətində kompleks tədbirlər həyata keçirilir. "Biz xalq üçün işləyirik. Məqsədimiz də odur ki, ölkə vətəndaşları vəziyyətin ildən-ilə daha da yaxşılaşmasını görsünlər, bunu gündəlik həyatlarında hiss etsinlər" - deyən dövlətimizin başçısı bu məqsədə xidmət edən çoxşaxəli islahatları çevik və işlək mexanizmlər üzərində reallaşdırır. Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəlik institutunun yaradılması da bu məqsədə xidmət edir.
Görüşdə vurğulanıb ki, ölkə rəhbərinin icra strukturları qarşısında müəyyənləşdirdiyi mühüm tələblərdən biri də məhz vətəndaşların qəbulu, onların ərizə və şikayətlərinə ciddiliklə yanaşılması ilə bağlıdır. Ordubad rayonunda bu məsələlər diqqət mərkəzində saxlanılır, vətəndaşların qəbullarında, səyyar görüşlərdə sakinlərin müraciətləri dinlənilir, səslənən faydalı təkliflərin həyata keçirilməsi üçün işlək mexanizmlər tapılır.Rəcəb Rəhimli qəbulda iştirak edən sakinlərin sosial təminatı, məişət şəraitlərinin yaxşılaşdırılması, məşğulluq və digər məsələlərlə əlaqədar müraciətlərini dinləyib. Vətəndaşların müraciətlərində qeyd etdikləri məsələlər yerindəcə həll olunub. Araşdırılmasına ehtiyac olan digər məsələlərin isə qanunvericiliyə uyğun, operativ həlli üçün aidiyyəti qurumların rəhbərlərinə müvafiq tapşırıqlar verilib.
##galery##
Poliqon.info