Fransa bu həftə Nigerdən qoşunlarını çıxarmağa başlayacaq
Poliqon xəbər verir ki, bu barədə AFP agentliyi Fransa Silahlı Qüvvələrinin Baş Qərargahına istinadən məlumat yayıb.
Fransız qoşunlarının çıxarılmasını hərbi çevriliş nəticəsində hakimiyyətə gələn Nigerin yeni hökuməti tələb edirdi. Fransa Silahlı Qüvvələrinin Baş Qərargahının açıqlamasında deyilir:
"Bir həftə ərzində geri çəkilmə əməliyyatına başlayacağıq, hər şey nizamlı şəkildə, təhlükəsizlik şəraitində və Nigerlə koordinasiya ilə həyata keçiriləcək".
Fransa sentyabrın 24-də qoşunlarını Nigerdən çıxardığını və səfir Silvain İttenin geri çağırıldığını elan edib. Bundan əvvəl Nigerdəki üsyanın təşkilatçıları Nigerin hərbi təyinatlı xarici işlər naziri ilə görüşməkdən imtina etdiyi üçün Silvain İttedən ölkəni tərk etməyi tələb etmişdilər.
Nigerdə 1,5 minə yaxın fransız əsgəri yerləşdirilmişdi. İyulun 26-da ölkədə bir qrup hərbçi hakimiyyətə gəlib. İğtişaş nəticəsində onlar prezident Məhəmməd Bazumu deviriv. Hakimiyyətə gəldikdən sonra üsyançılar radikal islamçılarla mübarizə aparmaq üçün ölkədə yerləşdirilən hərbi personalın olması ilə bağlı Fransa ilə razılaşmanı denonsasiya etmək qərarına gəliblər.
Poliqon.info