Çexiya prezidenti bu ölkələrin tez zamanda Aİ-yə qəbulunu istəyir
Poliqon xəbər verir ki, bu barədə Pavel Çexiya televiziyasına açıqlamasında bildirib. Çexiya prezidenti qeyd edib ki, təhlükəsizliyin təminatı üçün, Gürcüstan, Ukrayna, Moldova və bir sıra birliyə namizəd olan digər dövlətlər Aİ-yə üzv olmalıdır. Bunun əlaqədar Pavel Aİ-yə daxil olmaq üzrə danışıqları intensivləşdirməyə çağırıb.
"Yeni geosiyasi imperativ genişlənmənin yeni dinamikası tələb edilir", deyə Pavel bildirib.
Çexiya prezidenti əmindir ki, yaxın gələcəkdə Qərbi Balkanlar, Ukrayna, Moldova və Gürcüstanın Aİ-yə inteqrasiyasını başa çatdırmaq lazımdır. Siyasətçinin fikrincə, Avropa İttifaqının özünün buna hazırda Aİ üzvlüyünə namizədlərdən daha çox ehtiyacı var.
Peter Pavel vurğulayıb ki, Aİ şəffaf və əldə edilə bilən üzvlük meyarları və ya namizəd ölkələrin üzvlük prosesi üçün aydın qrafik yaratmalıdır. Çexiya prezidenti hesab edir ki, yeni dövlətlərin alyansa daxil olması demokratiyaların təhlükəsizliyini və sabitliyini təmin edəcək.
Bundan əvvəl Avropa diplomatiyasının rəhbəri Cosep Borrell Avropa İttifaqının genişləndirilməsinin zəruriliyindən danışıb. Onun fikrincə, Aİ artıq 10 yeni ölkənin qəbulu üçün hazırlıqlara başlamalıdır.
Hazırda 7 ölkə Avropa İttifaqına üzv olmaq üçün rəsmi namizəddir. Onların arasında Albaniya, Moldova, Şimali Makedoniya, Serbiya, Türkiyə, Ukrayna və Monteneqro var. Ukrayna Avropa İttifaqına üzv olmaq üçün sənədləri 2022-ci ilin fevral ayının sonunda təqdim edib və ərizə iyun ayında təsdiqlənib. Gürcüstanın hazırda Aİ üzvlüyünə namizəd statusu yoxdur.
Poliqon.info