Britaniya Estoniyaya məhbus göndərəcək
Poliqon The Times qəzetinə istinadən xəbər verir ki, hakimiyyət Böyük Britaniya həbsxanalarında sıxlığın olması səbəbindən belə bir addım atmaq niyyətindədir.
Nəşr qeyd edir ki, mümkün variantlardan biri Britaniya məhbuslarının cəzalarını Estoniya həbsxanalarında çəkməyə göndərilməsidir.
Bir müddət əvvəl Böyük Britaniyanın ədliyyə naziri Aleks Çalk hakim Mühafizəkarlar Partiyasının Mançesterdə keçirilən qurultayında çıxış edərək bildirmişdi ki, hakimiyyət İngiltərə və Uelsdə məhkum olunmuş cinayətkarların cəzalarını xaricdə çəkə bilmələri üçün qanuna dəyişiklik etməyi planlaşdırır. O, bu qərara səbəb kimi Böyük Britaniyada penitensiar sistemdə “çox sıxlığı” göstərib.
The Times qeyd edir ki, cinayətkarların cəzalarını xarici həbsxanalarda çəkmək üçün göndərilməsi ideyasını irəli sürən Britaniya hakimiyyəti Belçika və Norveçdəki oxşar təcrübələrə istinad edir (hər iki ölkə həbsxanalarında yer olmaması səbəbindən Niderlanddakı cəzaçəkmə müəssisələrinin kameralarını icarəyə götürüblər).
Jurnalistlər müəyyən ediblər ki, Britaniya hökumət rəsmiləri hazırda ingilis və uelsli məhbusların Londonun müəyyən sayda həbsxana kameralarını icarəyə götürə biləcəyi Estoniya həbsxanalarına mümkün transferi ilə bağlı danışıqlar aparır. Həmçinin, hazırda Londonda və digər Avropa İttifaqı dövlətləri ilə oxşar danışıqlar aparılır.
Poliqon.info