Blinken: Kiyevə Ukraynadan kənara hücum etmək barədə özü qərar verir
Poliqon xəbər verir ki, Dövlət Katibi bu barədə çərşənbə axşamı Hyustondakı Rays Universitetində çıxışı zamanı bildirib.
“Mahiyyət etibarilə, bunlar Ukraynanın qəbul etməli olduğu qərarlardır”, deyə ABŞ rəsmisi qeyd edib.
Onun sözlərinə görə, ABŞ prezidenti Co Bayden Ukraynada hərbi əməliyyatlar başlayandan Rusiya ilə birbaşa münaqişədən yayınmağa çalışır.
"Birinci gündən prezident Baydenin ağlında iki rəhbəristiqamat var. Bunlardan biri Ukraynanı dəstəkləmək və digər ölkələrin də eyni şeyi etməsinə nail olmaq üçün əlimizdən gələni etdiyimizə əmin olmaqdır. Digəri isə Rusiya ilə birbaşa münaqişədən qaçmaqdır, çünki belə bir münaqişə potensial olaraq heç kimin düşmək istəmədiyi yerə gətirib çıxara bilər ki, bu da Amerika xalqının təhlükəsizliyi üçün pis olardı”, deyə Blinken çıxışında vurğulayıb.
Blinken xatırladıb ki, NATO sammitində 29 ölkə tərəfindən imzalanan Ukrayna üçün uzunmüddətli təhlükəsizlik zəmanətləri haqqında bəyannamə qəbul edilib.
Poliqon.info