Çexiyanın müdafiə strategiyasında Rusiya əsas təhlükə adlandırılıb
Poliqon xəbər verir ki, bu barədə Çexiyanın “Seznam Zpravy” nəşri məlumat yayıb. Oktyabrda sənəd Çexiya hökuməti tərəfindən təsdiqlənməlidir.
Nəşrin yazdığına görə, yeni strategiya Ukraynadakı hərbi münaqişəni nəzərə alır. və Praqaya görə, bu, yalnız ölkənin NATO-ya üzvlüyünün vacibliyini təsdiqləyir. Strategiyada qeyd edilir ki, Alyansın özü düşməni hücumdan çəkindirmək və mümkün təcavüzdən qorunmaq məqsədi daşıyır.
“Çexiyaya və ya NATO, ya da Aİ ölkələrindən birinə hərbi hücum ehtimalı “Soyuq Müharibə” bitdikdən sonra ən yüksək səviyyədədir. Rusiya uzunmüddətli perspektivdə Çexiya və onun müttəfiqlərinin təhlükəsizliyinə ən ciddi təhdid yaradacaq”, deyə sənəddə deyilir.
Çexiyanın müdafiə siyasətinin əsas vəzifəsi “nüvə silahı ilə təchiz edilmiş texnoloji cəhətdən inkişaf etmiş düşmənlə uzun, yüksək intensivlikli müdafiə müharibəsinə hərtərəfli hazırlıq” adlanır. Yeni strategiyaya görə, “yaxşı silahlanmış və təlim keçmiş qüvvələr” yaratmaq, həmçinin “Çexiya ərazisini çoxlu sayda müttəfiq qoşunlarının mümkün transferinə hazırlamaq” vacibdir. Sənəddə qeyd edilir ki, Çexiyanın müdafiəsi yalnız peşəkar hərbi personal tərəfindən təmin edilə bilməz və silahlı qüvvələrin ehtiyatları müdafiədə böyük rol oynamalıdır.
Poliqon.info